Իսրայելի կառավարությունը Հայոց ցեղասպանության վերաբերյալ բանաձեւ է պատրաստվում ընդունել: Այսօր «Հենարան» ակումբում ասաց քաղաքագետ Ռիչարդ Կիրակոսյանը՝ պնդելով, որ այդ բանաձեւը Հայաստանի համար արդյունավետ չէ, որովհետեւ Իսրայելն այն կօգտագործի որպես գործիք Թուրքիայից վրեժ լուծելու հարցում.« Ես կարծում եմ, որ Իսրայելի գործողությունները լավ չեն լինի Հայաստանի համար, որովհետեւ նրանք ավելի են թուլացնում հայոց ցեղասպանության հարցը՝ դարձնելով այն գործիք Թուրքիայի դեմ, եւ սա այն նույն պետությունն է, որ զինամթերք է վաճառում Ադրբեջանին: Այսինքն՝ ցեղասպանության հարցը թուլանում է, երբ երրորդ պետություններն այն օգտագործում են իրենց քաղաքական օրակարգերի համար, այն բավարար չէ, որ Թուրքիային դրդի ցեղասպանության ճանաչմանը»:
Արփինե ՍԻՄՈՆՅԱՆ
