«Մենք իրավունք չունենք մարդ կորցնելու, հատկապես զինվորականի, բժշկի»: Այս կարծիքին է Պաշտպանության նախարար Սեյրան Օհանյանը, որը նաեւ կոչ է անում հայրենիքում փոխադարձ հանդուրժողականության մթնոլորտ ստեղծել` հետագայում խուսափելու համար «Հարսնաքար» ռեստորանում տեղի ունեցած դժբախտ միջադեպից. «Ժամանակ առ ժամանակ գտնում եմ, որ հարաբերություններում կրքեր են բորբոքվում, եւ ամեն ոք փորձում է իր «ես»-ն առաջ տանել, բայց, այնումենայնիվ, տարիների ու տարիքի հետ կապված մարդիկ պետք է հասկանան, որ բոլոր այդ խնդիրները մենք պետք է լուծենք խոսքի միջոցով, այլ ոչ թե ձեռքով»,-«Ա1+»-ի հետ զրույցում հայտնեց Պաշտպանության նախարար Սեյրան Օհանյանը։
Պարոն Օհանյանը նշեց, որ միջադեպի հետ կապված հեռախոսազրույց է ունեցել ռեսոտրանի սեփականատիրոջ` ՀՀԿ պատգամավոր Ռուբեն Հայրապետյանի հետ. «Մենք երկուսս եկել ենք այն եզրակացության, որ դա դատապարտելի է եւ գտնում ենք, որ այստեղ մենք չպետք է ավելորդ ինչ-որ միջոցառումներ հրապարակային կազմակերպենք, մենք պետք է մեր խոսքը, դաշտն ամբողջությամբ փոխանցենք իրավապահ մարմիներին»,- ընդգծեց նախարարը:
ՀՀ Ոստիկանապետ Վլադիմիր Գասպարյանն իր հերթին վստահեցնում ` արվում է անհրաժեշտ ամեն ինչ` միջադեպի կապակցությամբ հարուցված քրեական գործի արդար ընթացքի համար:
Մանրամասները կարդացեք այստեղ:
