/…«Առավոտ» օրաթերթում և aravot.am կայքում հրապարակված ՀՀ պաշտպանության նախարարությանը վերաբերող նյութերի վերաբերյալ պարզաբանում ենք.
«Առավոտ» օրաթերթում հրապարակված Արտաշես Արտավազդի Ալեքսանյանի բաց նամակի կապակցությամբ («Առավոտ» օրաթերթ, 12.05.2012թ.).
Ոստիկանության մայոր Արտաշես Արտավազդի Ալեքսանյանին զինվորական ծառայության ընդունելը հակասում է «Զինծառայության անցնելու մասին» ՀՀ օրենքի պահանջներին, քանի որ վերջինիս արդեն իսկ 56 տարեկան է: Միաժամանակ տեղեկացնում ենք, որ Արտաշես Արտավազդի Ալեքսանյանը ՊՆ համակարգում մրցույթային կարգով կարող է զբաղեցնել քաղաքացիական հատուկ ծառայության պաշտոն մինչև 65 տարեկանը` համապատասխան թափուր պաշտոնի առկայության և դրա վերաբերյալ հայտարարություն հրապարակվելու դեպքում: Հայտարարությունները հրապարակվում են ՀՀ ՊՆ «Հայ զինվոր» պաշտոնաթերթում:
aravot.am կայքում հրապարակված «Ադրբեջանի հետ սահմանն անօրինական է պաշտպանել» հոդվածի կապակցությամբ. (aravot.am, 23.04.2012թ.).
Յուրիկ Շավարշի Անանյանը ՀՀ ԶՈւ պահեստազոր է արձակվել պայմանագրային շարքային զինծառայողի պաշտոնից: Զինվորական ծառայության ստաժը արձակման պահին կազմել է 8 տարի 2 ամիս 10 օր, այդ թվում` ծառայությունը 25.11.1977-28.11.1979թ.թ. ծառայությունը ԽՍՀՄ ԶՈւ և 20.09.1996-05.06.1988թ.թ. ՀՀ ԶՈւ ենթասպայական պաշտոնում, որից նա արձակվել է ծառայողական անհամապատասխանությամբ` ենթասպա կոչումից աստիճանազրկվելով մինչև շարքային: 03.04.2006թ.-ին 47 տարեկան հասակում Յուրիկ Շավարշի Անանյանը զորակոչվել է ՀՀ զինված ուժեր և որպես պայմանագրային շարքային ծառայել է մինչև 23.09.2010թ.: Ծառայությունից պահեստազոր է արձակվել 51 տարեկանում` սահմանային տարիքի լրանալու կապակցությամբ:
Կենսաթոշակ նշանակելու համար անհրաժեշտ փաստաթղթերը և անձնական գործերը ՀՀ ՊՆ զինծառայողների սոցիալական պաշտպանության վարչություն ներկայացնում են համապատասխան տարածքային զինկոմիսարիատները: ՀՀ ՊՆ ԶՍՊ վարչություն Յուրիկ Շավարշի Անանյանի փաստաթղթերը մուտքագրվել են 10.05.2012թ. և նրան նշանակվել է երկարամյա ծառայության կենսաթոշակ, որը նա կստանա հունիս ամսից: Կենսաթոշակը կհաշվարկվի 30.06.2011թ.-ից` երկարամյա ծառայության կենսաթոշակ նշանակելու համար դիմելու օրվանից:
Հարգանքով` ՀՀ ՊՆ ՏԵՂԵԿԱՏՎՈՒԹՅԱՆ և ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ՎԱՐՉՈՒԹՅՈՒՆ
