«Վահե Ավետյան» հասարակական շարժման նախաձեռնող խմբի այսօր կայացած ասուլիսում, խմբի անդամ, ՀՀ առաջին ՄԻՊ Լարիսա Ալավերդյանը մտավախություն հայտնեց, որ Վահե Ավետյանի սպանության գործը փորձում են կոծկել: Նման տպավորություն նա ստացել է ՀՀ քննչական վարչության հատկապես կարևոր գործերի բաժնի պետ Արսեն Այվազյանի օրերս տեղի ունեցած մամուլի ասուլիսից:
Ըստ Տիկին Ալավերդյանի, անզեն աչքով երևում է, որ Արսեն Այվազյանի կողմից հնչեցրած մտքերում կան հակասություններ և վկայում են նախօրոք և նախապես ուղղորդվող գործընթացի մասին: Այս ամենը հուշում է, որ այստեղ կա հերթական փորձ՝ գործը կոծկել Պողոս Պողոսյանի դեպքի նմանությամբ. այնտեղ էլ վրա հասավ մահը, բայց ամեն ինչ բնութագրվեց ոչ թե ծեծով սպանություն, այլ մեղմացնող հանգամանքներով:
Արսեն Այվազյանի ասուլիսի տողատակում տիկին Ալավերդյանը տեսնում է գործը «հինգ-տասը տարի պատժաչափի վերածելու» միտում, ինչը, նրա կարծիքով, ժողովրդի արժանապատվությունը նսեմացնելու նպատակ ունի: «Այն միտքը, որ այս գործընթացը քաղաքականացվում է, դարձյալ վիրավորում է ժողովրդի արժանապատվությունը: Այո, սա քաղաքական վերլուծության, քաղաքական մեկնաբանությունների անհրաժեշտություն ունեցող դեպք է»,-ասաց բանախոսը:
Խմբի մեկ այլ անդամ՝ Գարեգին Չուգասզյանը ներկայացրեց նախաձեռնության հետագա քայլերը:
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
