«Ստեփանակաերտի օդանավակայանի գործարկումը չի կարող օգտագործվել Լեռնային Ղարաբաղի կարգավիճակը փոխելու նպատակով»,- այսօր հայտարարել են ԵԱՀԿ Մինսկի խմբի համանախագահները, որոնք կոչ են արել կողմերին՝ գործել միջազգային օրենքին եւ տարածքում թռիչքների ներկայիս պրակտիկային համապատասխան։
Նրանք հայտնել են, որ կողմերն իրենց եւս մեկ անգամ վստահեցրել են, որ մերժում են ցանկացած սպառնալիք կամ ուժ քաղաքացիական ավիացիայի նկատմամբ եւ զերծ են մնում հարցը քաղաքականացնելուց:
ԵԱՀԿ Մինսկի խմբի համանախագահներն, այսօր Երեւանում ազդարարելով տարածաշրջանային այցի ավարտը, հանդես են եկել հայտարարությամբ։ Հուլիսի 10-13-ը նրանք այցելել են Բաքու, Լեռնային Ղարաբաղ եւ Ստեփանակերտ։
Ըստ հայտարարության՝ իրենց բոլոր հանդիպումներում համանախագահները վերահաստատել են իրենց երկրների՝ Լեռնային Ղարաբաղի հիմնահարցը խաղաղ եղանակով լուծելու այն դիրքորոշումը, ինչը համանախագահող երեք երկրների ղեկավարները շեշտել են Լոս Կաբոսի՝ հունիսի 18-ին հայտարարությամբ։
Կարդացեք նաև
Համանախագահներն արտահայտել են նաեւ խորը մտահոգություն՝ հրադադարի խախտումների եւ ռազմատենչ հռետորաբանության առիթով։
Համանախագահները նախատեսում են առաջիկայում առանձին հանդիպումներ Հայաստանի եւ Ադրբեջանի ԱԳ նախարարների հետ՝ նախապատրաստելու համար նրանց համատեղ հանդիպումը սեպտեմբերին։
Մանրամասն՝ կարդացեք այստեղ
