Թեեւ երեկ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանից Տիգրան Աթանեսյանին խոստացել էին տրամադրել Վարդան Օսկանյանի նկատմամբ քրեական գործ չհարուցելու մասին դատարանի վճիռը, սակայն երեկ՝ մինչեւ ուշ երեկո, այն չէին տրամադրել փաստաբանին։
«Այս պահին էլ դատարանի որոշումն ինձ չի տրամադրվել։ Զանգել եմ, ասել են, որ կուղարկեն։ Խնդիրն այն չէ, որ հրաժարվում են, պարզապես ժամկետն է խախտվում»,- «Ժոդովուրդ»-ի հետ հեռախոսազրույցում ասաց Վարդան Օսկանյանի փաստաբան Տիգրան Աթանեսյանը։
Հիշեցնենք, որ ըստ Քաղաքացիական դատավարության օրենսգրքի 124 հոդվածի՝ դատարանի վճռի հրապարակվելուց անմիջապես հետո վճռի օրինակը հանձնվում է գործին մասնակցած անձանց։ Իսկ վճռի օրինակը հրապարակման կամ հաջորդ օրը պատվիրված նամակով ուղարկվում է նրանց, ովքեր բացակայել են նիստից։ Թե ինչու դատարանը օրենքով սահմանված կարգով դատին մասնակցած Աթանեսյանին չի տրամադրել վճիռը, այս հարցին Աթանեսյանը քմծիծաղով պատասխանեց:
«Ժողովուրդ»
