Aravot.am-ի հարցին, թե Լոնդոնում բրոնզե մեդալի արժանացած ըմբիշները երջանկությունից թավալ էին տալիս մրցագորգի վրա, սալտոներ անում, մարզիչներին տալիս գորգին, իսկ նրա աչքերում խորը թախիծ կար, Լոնդոնի օլիմպիական խաղերի բրոնզե մեդալակիր, 96 կգ քաշային հունահռոմեական ըմբիշ Արթուր Ալեքսանյանը պատասխանեց կարճ. «Այնպես չէ, որ տխուր էի: Օլիմպիական բրոնզը մեծ նվաճում է: Բայց Լոնդոն մեկնել էի ոսկե մեդալի ետեւից: Բոլոր մարզումներս դրան էին նպատակաուղղված»:
Լրագրողներից մեկի հարցին, թե ե՞րբ է աշխարհի մեծահասակների չեմպիոն դառնալու, Արթուրը գյումրեցու հումորով պատասխանեց. «Աշխարհի մեծահասակների առաջնությունում: Եթե մարզիչները վստահեն, կաշխատեմ, բայց հարյուր տոկոսով խոստանալ չեմ կարող»:
Աշոտ ՀԱԿՈԲՅԱՆ
