Այս պահին վերակենդանացման բաժանմունքում գտնվող Դիանա Սիրունյանի առողջական վիճակը մնում է ծայրահեղ ծանր: Առողջապահության նախարարությունից Aravot.am-ին հայտնեցին, որ աջկա առողջական վիճակի մեջ որեւէ դրական տեղաշարժ չկա, ընդհակառակը` գնալով վատանում է:
Դիանայի հետ կապված հարցերը համակարգում է ՀՀ առողջապահության նախարարի առաջին տեղակալ Հայկ Դարբինյանը: Նա, իր օգնականի միջոցով, մեզ փոխանցել էր, որ պարբերաբար կապի մեջ է «Արմենիա» բժշկական կենտրոնի բժիշկների հետ, որոնք առայժմ ոչ մի լավ բան չեն կարող ասել: Քանի որ Դիանան ունի բազմաթիվ կոտրվածքներ, թոքերը վնասված են, նրան անհրաժեշտ են մի շարք վիրահատություններ. սակայն բժիշկները չեն կարող աղջկան վիրահատել, մինչեւ որ վիճակը չկայունանա:
Սուրեն Սիրունյանի դուստրը` 16-ամյա Դիանան ինքնասպանության փորձ էր կատարել` հոր` մահվան լուրը լսելուց հետո: Նա նետվել էր շենքի 5-րդ հարկից:
Լուսինե ԲՈՒԴԱՂՅԱՆ
