Նյու-Ջերսի քաղաքից 18-ամյա Սթիվեն Դոմալեւսկին 2006 թվականին խաղի ժամանակ ստացած վնասվածքի համար դատարանի վճռով բեյսբոլի կրտսեր լիգայից եւ մական արտադրող «Louisville Slugger» ֆիրմայից $14,5 միլիոն փոխհատուցում է ստացել:
Այն ժամանակ բեյսբոլի գնդակը դիպել էր Սթիվենի կրծքավանդակին, ինչի հետեւանքով տղայի սիրտը 15-20 րոպե կանգ էր առել: Ճիշտ է, Սթիվենի կյանքը փրկել հաջողվել է, սակայն սրտի կանգնելն անդառնալի հետեւանք է ունեցել. տղան հաշմվել է: Սթիվենի փաստաբանները դատարանում կարողացել են ապացուցել, որ հաշմանդամ դառնալու պատճառը եղել է բեյսբոլի մետաղյա մականը, որի հարվածից գնդակն ավելի արագ է սլանում, քան փայտե մականից: Շահած գումարը ծախսվելու է Սթիվենի հոգսերը ցմահ հոգալու վրա:
Աշոտ ՀԱԿՈԲՅԱՆ
