Քաղաքաշինության նախկին նախարար, ԲՀԿ անդամ Վարդան Վարդանյանը երեկ երեկոյան այցելել է Գլխավոր դատախազության շենք եւ բավական ժամանակ գտնվել այնտեղ։ «Ա1+»-ի հավաստի աղբյուրի փոխանցմամբ՝ Վարդանյանին հրավիրել էին Գլխավոր դատախազություն՝ քաղաքաշինության բնագավառում վերջերս հայտնաբերված չարաշահումների վերաբերյալ պարզաբանումներ տալու։
Գլխավոր դատախազության մամուլի խոսնակ Սոնա Տռուզյանը «Ա1+»-ի հետ զրույցում նշեց, որ Վարդանյանը որեւէ քրեական գործի շրջանակներում դատախազություն չի հրավիրվել։ Միեւնույն ժամանակ, նա չհերքեց, որ Վարդան Վարդանյանը կարող էր նշված ժամանակահատվածում դատախազության շենքում լինել։
Մեր դիտարկմանը, թե նույն շենքում է գտնվում Հատուկ քննչական ծառայությունը, գուցե Վարդան Վարդանյանը հրավիրվել էր ՀՔԾ, Սոնա Տռուզյանը պատասխանեց՝ «օրվա մեջ հարյուր մարդ է գալիս-գնում, ես բոլոր այցելուների մասին տեղեկատվությանը չեմ կարող տիրապետել»։
Մանրամասները կարդացեք այստեղ:
