Էդ Ռոյս
ԱՄՆ կոնգրեսի հայկական հարցերով հանձնախմբի համանախագահ Էդ Ռոյսը բլոգային գրառումում անդրադարձել է «Վաշինգթոն փոստ»-ի հրապարակած Ադրբեջանին փառաբանող` «Փոքրիկ Ադրբեջանը փոփ-հզորությամբ է արշավում Իրանի մոլլաների դեմ» հոդվածին: Հայտնում է «Ասպարեզ»-ը:
Էդ Ռոյսը գրել է, որ հոդվածում փորձ է արվել արևմտյան երաժշտության և արվեստի գործիչների միջոցով Ադրբեջանին ներկայացնել «հանդուրժող», իսկ Իրանին ռեպրեսիվ, այսինքն, իբր թե Ադրբեջանում Ռիհաննայի, Ջենիֆեր Լոպեզի և Շակիրայի համերգները կատաղեցրել են Իրանի մոլլաներին: Այդպիսով ընթերցողի մոտ կարծիք են ստեղծում, թե փոփ երաժշտությունն ընտրելով որպես արտաքին քաղաքականություն` Ադրբեջանը ճիշտ ուղու վրա է դուրս եկել:
«Սա ինձ հիշեցնում է այն դեպքը, երբ «Էկոնոմիստ»-ը գրել էր, թե Սիրիայում սուշի ռեստորանների բացումը Սիրիայի մոդեռնիզացման նշան է», – գրում է Ռոյսը և մանրամասնորեն հիշեցնելով Ռամիլ Սաֆարովի դեպքը` շարունակում, – «Ինձ չի հետաքրքրում, թե քանի Ջեյ-Լո կհայտնվի այնտեղ, ինչ հանդերձանքով, կամ թե ինչպես են նյարդայնանում Իրանում: Երբ կացնասպանները հերոսներ են, նշանակում է ինչ-որ բան շեղված է Բաքվում»:
«Միակ բանը, որն ինձ ասում է այս հոդվածը, այն է` Իրանի համակարգի համեմատ, բոլորն էլ լավն են», – եզրափակում է Էդ Ռոյսը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
