Հոկտեմբերի 24-ին Իջեւանում կայացավ ՀՀ ԱՆ դատական ակտերի հարկադիր կատարման ծառայության Տավուշի մարզային բաժնի վարչական նոր շենքի հանդիսավոր բացումը: Արարողությանը մասնակցում էին ՀՀ գլխավոր հարկադիր կատարող, գեներալ-մայոր Միհրան Պողոսյանը, Տավուշի մարզպետի տեղակալ Լեւոն Սարգսյանը, Իջեւանի քաղաքապետի տեղակալ Սուրեն Մանուկյանը, մարզի իրավապահ համակարգի ղեկավարներ:
Շենքի բացման ժամանակ ելույթներում նշվեց ,որ ԴԱՀԿ մարզային բաժինը 12 տարի սեփական տարածք չի ունեցել, մի որոշ ժամանակ գործել է ոչ թե մարզկենտրոն Իջեւանում` այլ Դիլիջանում, ինչը խոչընդոտներ է ստեղծել մարզի մյուս տարածաշրջանների պարտապանների համար:
ՀՀ գլխավոր հարկադիր կատարող Միհրան Պողոսյանը հանդիսավոր առիթով շնորհավորեց մարզային բաժնի աշխատակիցներին, նշեց, որ նրանց աշխատանքն այսուհետեւ ավելի ծանրաբեռնված է լինելու, քանզի վարչական ակտերը ոչ թե դատարանների միջոցով, այլ ուղղակի կերպով են հասնելու ԴԱՀԿ: Նա ծանոթացավ վարչական նոր շենքի պայմաններին:
Նշենք, որ այստեղ տեղակայված է նաեւ «Դատալեքսի» հանրային տեղեկատվական կրպակ: Դրա նպատակն է ԴԱՀԿ համակարգում ընթացող ցանկացած կատարողական վարույթի վերաբերյալ ապահովել ընթացակարգային եւ բովանդակային թափանցիկություն:
Կարդացեք նաև
Ոսկան ՍԱՐԳՍՅԱՆ
