Ընդդիմադիր Հայ ազգային կոնգրեսի ներկայացրած նախագծերից որեւէ մեկը դեռեւս չի ընդգրկվել ԱԺ աշնանային նստաշրջանի օրակարգ, թեեւ ԱԺ ՀԱԿ խմբակցության պատգամավորների մի քանի նախագծեր արդեն դրել են շրջանառության մեջ։ Այս փաստը, մեղմ ասած, տարօրինակ է, եթե նկատի ունենանք այն հանգամանքը, որ փոխարենը ԱԺ օրակարգում ընդգրկված են մյուս բոլոր խմբակցությունների՝ ՀՀԿ-ի, ԲՀԿ- ի, ՕԵԿ-ի, ՀՅԴ-ի, նաեւ կառավարության ներկայացրած մի շարք օրինագծեր։ «Մենք ժողովրդական հարցեր ենք ներկայացնում եւ հանդիպում ենք կոռումպացված, բուրժուական կառավարության դիմադրությանը։ Խնդրեմ, 2013-ի բյուջեն լավ օրինակ է։ Այս կառավարությունը կապ չունի ժողովրդի հետ։ Բյուջեի եկամուտներն ավելանում են 13 տոկոսով, իսկ աշխատավարձերն ու կենսաթոշակները՝ 0 տոկոսով։ Գներն աճելու են 4,0–5,5%-ով։ Ահա սա է կառավարությունը»,- «Ժողովուրդ»-ի հետ զրույցում ստեղծված իրավիճակն այսպես պարզաբանեց ՀԱԿ խմբակցության պատգամավոր Հրանտ Բագրատյանը։
«Ժողովուրդ»
