Նոյեմբերի երեքին, կառավարության նիստերի դահլիճում « մեծ շուքով» նշվում էր փառքի ճանապարհ անցած Սոցիալ Դեմոկրատ Հնչակյան Մայր կուսակցության 125 ամյակը , որը անցկացվեց համահնչակյան ԿՎ ատենապետ Սեդրակ Աճեմյանի «բարձր հովանու» ներքո:
Ցավով ենք նշում, որ Սեդրակ Աճեմյանի ներքաղաքական իրավիճակին «տրամաբանական» գնահատականը ինչպես նաև Սերժ Սարգսյանի և Տիգրան Սարգսյանի հասցեին հնչեցված համակրանքի խոսքերը տրամագծորեն հակասական էին, սակայն հուշումով, որ Սերժ Սարգսյանի առաջադրման պարագայում ՍԴՀԿ ն սատարելու է գործող նախագահին:
ՍԴՀԿ ԿՎ –ը հայտարարում է՝
1. Սեդրակ Աճեմյանի ելույթում իշխանությունների հասցեին հնչեցված հաճոյախոսությունները ոչ մի կապ չունեն հրի ու սրի միջով անցած և միշտ ժողովրդի և պետականության շահերով առաջնորդվող Հնչակյանության հետ:
Կարդացեք նաև
2. ՍԴՀԿ -ն շարունակում է մաս կազմել Հայ Ազգային Կոնգրեսին և ամբողջությամբ կիսում է իշխանություններին տրված ՀԱԿ-ի գնահատականները՝
ա) Հայաստանում իշխանությունը բռնազավթված է ապազգային ուժերի կողմից
բ ) երկրում ոտնահարված է ժողովրդի սահմանադրական իրավունքները
գ ) օրեցօր աճող արտագաղթի, ժողովրդի ծանրագույն սոցիալական և հոգեբանական վիճակի, ինչպես նաև տնտեսության քայքայման պատասխանատվությունը ընկնում է կեղծված ընտրությունների արդյունքում իշխանությունը բռնազավթած Սերժ Սարգսյանի վրա:
Սոցիալ Դեմոկրատ Հնչակյան Կուսակցություն
Կենտրոնական Վարչություն
