Այսօր՝ նոյեմբերի 26-ին, Երևանի Կենտրոն Նորք Մարաշ վարչական շրջանների ընդհանուր իրավասության դատարանում դռնփակ դատական նիստ էր: Նիստը նախագահում էր նշված դատարանի դատավոր Էդիկ Ավետիսյանը:
Ինչպես shamshyan.com-ին հայտնում է ֆոտոլրագրող Գագիկ Շամշյանը, Ոստիկանության քննչական գլխավոր վարչության քննիչը դիմել էր նշված դատարան, որպեսզի ևս 2 ամսով երկարաձգվի Հայաստանի Սոցիալական ապահովության պետական ծառայության նախկին պետ Վազգեն Խաչիկյանի խափանման միջոց կալանքը:
Դատավոր Է. Ավետիսյանը խորհրդակցական սենյակից վերադառնալով, բավարարեց քննիչի միջնորդությունը: Ֆոտոլրագրողը հայտնում է, որ Վ. Խաչիկյանը հրաժարվել է, որպեսզի դռնփակ դատական նիստը կայանա իր մասնակցությամբ:
