Մարդու իրավունքների միջազգային օրվա կապակցությամբ Մոսկվա կինոթատրոնում այսօր բացվեց «Տարբեր դեմքեր, ընդհանուր հույսեր. հակամարտության մարդկային կողմը» խորագրով ղարաբաղյան հակամարտությանը նվիրված ցուցահանդես, որում ներկայացված են միջազգային մրցանակների արժանացած լուսանկարիչ Ջոնաթան Բենքսի լուսանկարները:
Հայաստանում Եվրամիության պատվիրակության ղեկավար Տրայան Հրիսթեանը նշեց, որ ցուցահանդեսի կազմակերպիչը` բրիտանական International Alert կազմակերպությունը` եվրոպական մի շարք քաղաքացիական հասարակական կառույցների հետ համատեղ, միավորել է ջանքերը ԵՄ-ի հետ` ղարաբաղյան հակամարտության խաղաղ կարգավորմանը նպաստելու համար. «Հակամարտության գոտում գտնվող մարդկանց դիմանկարների շարք թողարկելով` լուսանկարիչը ցույց է տվել ղարաբաղյան հակամարտության մարդկային կողմը: Հակամարտության ներքո յուրաքանչյուր անհատ նախևառաջ մարդ-արարած է` օժտված համապատասխան իրավունքներով»:
Հրիսթեանի խոսքով. «Հայաստանը եւ Ադրբեջանը շարունակում են տուժել հակամարտությունից: Հակամարտության բեռը կրում են նաեւ սերունդները: Խաղաղությունը տարարածաշրջանում ամենացանկալի բանն է»:
Նախաձեռնությունը ֆինանսավորվել է Եվրոպական Միության կողմից:
Կարդացեք նաև
Լուիզա ՍՈՒՔԻԱՍՅԱՆ
