«ԲՀԿ-ն ընդամենը հայտարարել է իրենց կուսակցության որոշումը: Ես դրա մեջ ոչ մի արտառոց բան չեմ տեսնում: Բնական եմ համարում, որ մենք պետք է համագործակցեինք ցանկացած ուժի հետ»,- ԲՀԿ-ի այսօրվա պաշտոնական հայտարարությունն Aravot.am-ի հետ զրույցում այսպես մեկնաբանեց ՀԱԿ եւ ՍԴՀԿ անդամ Գուրգեն Եղիազարյանը:
Մեր հարցին՝ սպասելի՞ էր ձեզ համար այդ որոշումը, Գուրգեն Եղիազարյանը մի փոքր երկմտելուց հետո պատասխանեց. «Ճիշտն ասած՝ այո: Անակնկալի չեմ եկել: Մենք այնպիսի երկրում ենք ապրում, մեր երկրում ամեն ինչ հնարավոր է, ինչի՞ պետք է անակնկալի գամ»:
Մեր հարցին՝ այս որոշումով չհաստատվե՞ց, որ ԲՀԿ-ն Սերժ Սարգսյանից չի անջատվել՝ նա պատասխանեց. «Չեմ կարծում: Համենայնդեպս, Սերժ Սարգսյանին շատ մոտ կանգնած մարդիկ այնքան էլ լավ չեն արտահայտվում ԲՀԿ-ի համար: Ես չեմ կարծում, որ այդ ամենը արվեց՝ Սերժ Սարգսյանի համար»:
Հռիփսիմե ՋԵԲԵՋՅԱՆ
Կարդացեք նաև
