Դեկտեմբերի 15-ին Նյուրնբերգում 2-րդ միջին քաշային կարգում WBO չեմպիոն Արթուր Աբրահամը գոտու պաշտպանության մենամարտ պետք է անցկացնի Ֆրանսիան ներկայացնող Մեհդի Բուադլայի հետ: Այսօր 32-ամյա Աբրահամը եւ 30-ամյա Բուադլան բաց մարզում են անցկացրել: Իսկ օրերս գերմանական լրատվամիջոցներին տված հարցազրույցում հայ բռնցքամարտիկը, նշելով, որ չեմպիոնական գոտին պաշտպանելն ավելի դժվար է, քան նվաճելը, որովհետեւ բոլորը քեզ կատաղի հետեւում են, ասել է, թե բացի հաղթանակից այլ բան չի ակնկալում: «Նա շատ վտանգավոր մրցակից է, միշտ առաջ է գնում եւ հարվածում է՝ ցանկանալով նոկաուտ անել: Բայց ես ուսումնասիրել եմ նրա ռազմավարությունը, դիտել մենամարտերը ու գիտեմ թույլ եւ ուժեղ կողմերը: Ինքս գերազանց մարզավիճակում եմ եւ հաղթանակից բացի այլ բան չեմ ակնկալում», – հայտարարել է Աբրահամը:
Աշոտ ՀԱԿՈԲՅԱՆ