ՀՅԴ Հայաստանի Գերագույն մարմնի փոխներկայացուցիչ, ԱԺ պատգամավոր Աղվան Վարդանյանն Aravot.am-ի հետ զրույցում վստահեցրեց, որ ՀԱԿ առաջնորդ Լեւոն Տեր-Պետրոսյանի որոշումն իր համար միանգամայն սպասելի էր. «Ես վստահ էի, որ նման որոշում կկայացնի: Դա պարզ էր ինձ համար: Տարիքի հետ կապված հիմնավորումը շատ տրամաբանական ու նորմալ էր»:
Աղվան Վարդանյանի մեկնաբանությամբ` ՀԱԿ առաջնորդը լուծված է համարում իր առջեւ դրված խնդիրը` Մարտի 1-ի արյունը իրենից հեռու պահելու: Նա դիմել է Եվրոդատարան` ապացուցելու, որ ցանկության դեպքում չէր կարող այդ օրը տանից դուրս գալ:
Ըստ Աղվան Վարդանյանի, ստեղծված իրավիճակում անհարմար իրավիճակի մեջ են հայտնվել կոնգրեսականները, որոնք վստահ էին, որ Լեւոն Տեր-Պետրոսյանն առաջադրվելու է:
Հռիփսիմե ՋԵԲԵՋՅԱՆ
