Այսօր Մեդիա կենտրոնում «Ժառանգություն» կուսակցության մամուլի խոսնակ Հովսեփ Խուրշուդյան հայտնեց, որ իրենք հավաքագրել են բազմաթիվ խախտումների մասին տվյալներ, որոնք կարող են առանձնացնել հետեւյալ կերպ. «Առաջինը՝ ընտրակաշառքն է, որը մեծ թիվ է կազմում, հաջորդ խոշոր խախտումը, բաց քվեարկությունն է եղել, որն արտահայտվել է հատկապես մարզերում, եւ ոչ պակաս իրավախախտում էր լրացուցիչ ցուցակների առկայությունը: Տարբեր տեղամասերում մինչեւ երկու հարյուր ընտրողներ էին գրանցված, ընդ որում, այդ մարդիկ ոչ թե ժամանակավորապես փոխել էին հաշվառման վայրը, այլ` հատուկ տրանսպորտով բերվում էին Երեւան քվեարկելու համար ու նորից հետ վերադառնում: Եվ հաջորդ կարեւոր խախտումն է` թանաքի հետ կապված հարցը, որը նույնիսկ խոնավ անձեռոցիկով կամ մատով մաքրվում է ու ամեն ինչ այս թանաքի հետ կապված՝ թե այն հատուկ էր, սուտ էր: Ընդ որում` այն ցնդում էր նույնիսկ ինքն իրեն: Սա պատահական չէր: Ինչի արդյունքում թույլ տրվեցին բազմաթիվ կրկնակի քվեարկության դեպքեր»:
Խուրշուդյանն անդրադառնալով Րաֆֆի Հովհաննիսյանի երեկ գիշերվա ասուլիսին, ասաց. «Որոշ լրատվամիջոցներ այնպես էին մոնտաժել այդ ասուլիսը, որ տպավորություն էր ստեղծվել, թե Րաֆֆի Հովհաննիսյանը շնորհավորել է Սերժ Սարգսյանին»: Նա սա բացատրեց այն հանգամանքով, որ ավարտվել է ԶԼՄ-ների նկատմամբ մշտադիտարկումը:
Եվա ՀԱԿՈԲՅԱՆ
Մենք դեմոկրատական երկիր դառնալ չենք կարող: Հայը միշտ կեղծիքի ու խաբեության մեջ է ապրում :Մեզ` հայ ժողովրդիս սազում է այսպես ապրելը: