«Ամերիկայի ձայն» ռադիոկայան. Մեծ Բրիտանիայում մի պատանի ձեռք է բերել ֆինանսական զգալի կարողություն՝ իր տանը գրելով բջջային հեռախոսների համար նախատեսված ծրագիր և վաճառելով այն ամերիկյան «Yahoo» համացանցային պորտալին:
17-ամյա Նիկ Դալոիսոն 12 տարեկան հասակից աշխատել է բջջային հեռախոսների ծրագրեր գրելու վրա: Նա 30 միլիոն դոլարով «Yahoo» պորտալին է վաճառել իր ստեղծած՝ «Summly» անվանումը կրող ծրագիրը, որը հեշտացնում է փոքր էկրանների վրա լուրերի ընթերցումը:
Դալոիսոյին ավագ դպրոցն ավարտելուն մնում է դեռևս մեկուկես տարի, սակայն ասում է, թե ցանկանում է վաղօրոք հանձնել բոլոր քննությունները, որպեսզի, միանալով իր աշխատանքային խմբի երկու այլ մասնակիցներին, աշխատանքի անցնի «Yahoo»-ի լոնդոնյան գրասենյակում:
Համացանցում տեղադրված հոդվածների և էջերի հիմնական մասը ստեղծվել է՝ համակարգչի և մկնիկի օգտագործմամբ դիտելու համար: Դալոիսոյի ստեղծած ծրագրի ալգորիթմը, ըստ «Yahoo»-ի, ավտոմատ եղանակով ստեղծում է ամփոփումներ, որոնք ավելի հեշտ են դիտվում բջջային հեռախոսների էկրանների վրա:
Կարդացեք նաև
Մի քանի հայտնի անձնավորություն արդեն իսկ գումարներ է ներդրել Դալոիսիոյի աշխատանքի մեջ, ներառյալ գործարար Վենդի Մերդոքին, դերասան Էշթոն Քութչերին և Հոնկոնգի միլիարդատեր Լի Քա-շինգին:
