Այսօր վաղ առավոտից մայրաքաղաքի երթեւեկությունը կաթվածահար վիճակում է: Եվ պատճառը միայն նախագահ Սերժ Սարգսյանի երդմնակալությունը չէ: Ինչպես հայտնի է, այդ երդմնակալությունը Կ. Դեմիրճյանի անվան մարզահամերգային համալիրում է, բայց ոստիկանները փակել են այնպիսի փողոցներ, որոնք առնչություն չունեն համալիրի հետ: Օրինակ՝ Իսակովի պողոտան, ամբողջ ավտոկայանը: Բաց է Մաշտոցի պողոտան, բայց այնտեղ տանող ճանապարհներն են փակ:
Այս առնչությամբ Aravot.am-ի հետ զրույցում «Ժառանգություն» կուսակցության փոխնախագահ Արմեն Մարտիրոսյանն ասաց, որ ինքը ոտքով է եկել Ազատության հրապարակ: Զարուհի Փոստանջյանն էլ ստիպված այընտրանքային ճանապարհներով հասել էր Ազատության հրապարակ: Չնայած դրան, այս պահին Ազատության հրապարակը լեփ լեցուն է: Համահայկական երիտասարդական շարժումը քիչ առաջ հանդիսավոր մտավ հրապարակ՝ ցուցատախտակներով եւ «միացում» կոչերով:
Հրապարակում առ ժամանակ վանկարկում են ցուցատախտակների կարգախոսերը. «Փրկիչ չկա, փրկիչը դու ես», «Օգնենք խիարը ճիշտ բուսնի», «Հենց այսօր. Վաղը ուշ կլինի» «Բուհը բանտ չէ» եւ այլն:
Կարդացեք նաև
Հռիփսիմե ՋԵԲԵՋՅԱՆ
