Այսօր Կենտրոնական ընտրական հանձնաժողովի արտահերթ նիստի ընթացքում քննարկվեց Երեւանի ավագանու ընտրություններում գրանցված կուսակցությունների եւ կուսակցությունների դաշինքի նախընտրական հիմնադրամներ կատարված մուծումների եւ դրանց օգտագործման վերաբերյալ երկրորդ հայտարարագրերի ստուգման արդյունքում կազմված տեղեկանքը:
Նշվեց, որ տեղեկանքը կազմելիս ուսումնասիրվել են ոչ միայն հայտարարագրերը, այլեւ դրանց կից փաստաթղթերը, ինչպես նաեւ բանկի կողմից տրամադրված կտրոնները, համադրվել են հեռուստաընկերությունների կողմից տրամադրված եթերաժամանակի հետ, որի արդյունքում խախտումներ չեն արձանագրվել:
ԿԸՀ նախագահ ՏիգրանՄուկուչյանի բարձրացրած հարցին ի պատասխան՝ նշվեց, որ հայտարարագրվել են նույնիսկ այն քարոզչական նյութերը, որոնք շապիկների կամ այլ իրերի տեսքով են եղել:
Նշվեց նաեւ, որ խտրականություն չի դրսեւորվել աուդիտորների վերաբերյալ, իսկ աշխատանքներին մասնակցած երկու աուդիտորների կողմից որեւէ դժգոհություն չի հնչել:
Կարդացեք նաև
Մուկուչյանի հաջորդ հարցին էլˋ կուսակցությունների եւ կուսակցությունների դաշինքի կողմից վարձակալած դահլիճների գումարները արտացոլվա՞ծ են եղել, թե ոչ, նշվեց, որ նրանք ովքեր, որ վարձակալել են վարձավճարները եւ ամրագրել են հայտարարագրերում:
Քննարկումը կայացավ, նիստն ավարտվեց, տեղեկանքը շուտով կտեղադրվի ԿԸՀ-ի կայքում:
Եվա ՀԱԿՈԲՅԱՆ
