«Երևան Ջուր» ընկերության մասնագետները հերթական խոշոր վթարն են վերացնում Բաբաջանյան փողոցում: Այս անգամ վթարվել էր 500մմ տրամագծով ջրատարը, որի պատճառով մոտ 150լ/վ ջուր է արտահոսում: Վերջինիս հետևանքով խաթարվել էր Նոր Նորք և Ավան վարչական շրջանների մի շարք հասցեների ջրամատակարարումը:
Այս վթարը հայտնաբերվել է մեծ դժվարությամբ և վերացման աշխատանքնրերի բարդությունը պայմանավորված է ջրատարի խորությամբ:
Ինչպես մեկնաբանեց Ընկերության «Արևելք» շահագործման տնօրինության «Հյուսիս» տեղամասի գլխավոր ինժեներ Սպարտակ Մկրտչյանը, նմանատիպ վթարները ֆիզիկապես հնամաշ ցանցի առկայության պայմաններում անխուսափելի են:
Այնուամենայնիվ, տեղամասի մասնագետների ջանքերով Մայրաքաղաքի վերոնշյալ հատվածի ջրամատակարարումը կվերականգնվի նույն օրը` ապրիլի 29-ին մինչև երեկոյան ժամը 22.00:
Կարդացեք նաև
Ընկերությունը հայցում է սպառողների ներողամտությունը պատճառված անհանգստության համար:
Հաղորդակցության բաժին
«Երևան Ջուր» ՓԲԸ
