Դավիթաշեն 2-րդ թաղամասում գտնվող 5/14 ընտրատեղամասում առավոտյան ժամը 9.30-ից արդեն տեղամասի մուտքի մոտ մեծ քանակությամբ ընտրողների հերթ էր: Մարդիկ դժգոհում էին, որ հանձնաժողովի անդամներն այնքան դանդաղ են աշխատում, որ իրենք ստիպված են 10 րոպեից ավելի սպասել: Հերթում կանգնածներն այնքան էին զայրացած հանձնաժողովի վատ աշխատանքից, որ նույնիսկ մեզ թույլ չտվեցին արտահերթ մտնել ընտրատեղամաս:
Երբ հանձնաժողովի նախագահը ընտրողին հորդորեց չնյարդայնանալ, ներողամիտ լինել, աշխատակիցը փորձ չունի, ընտրող կինն ասաց. «Ամիսը մեկ ընտրություն եք անում, չսվորեցիք նորմալ ընտրություններ կազմակերպել»:
Այս նույն ընտրատեղամասում քվեախցում մի պահ հայտնվեցին 2 ընտրող: Երբ մեր տեսախցիկը ֆիքսեց այդ միջադեպը, եւ երբ հանձնաժողովի նախագահը դիտողություն արեց, որ դուրս գա քվեախցից, տարեց ընտրողն ասաց` «Այ մարդ, դե կնիկս ա, ինչ ա եղել, իրար հետ ընտրենք»:
Նելլի ԲԱԲԱՅԱՆ
