Aravot.am-ի հետ զրույցում ԲՀԿ խոսնակ Տիգրան Ուրիխանյանը գնահատելով Երեւանի ավագանու ընտրությունների ընթացքը՝ նշեց. «Ակնհայտորեն ջանքեր կային, որ պատասխանատուները պիտի գործադրեին, բայց չեն գործադրել: Ու էլի մենք առիթ ունեինք խոսելու թանաքի մասին, էլի առիթ ունեինք խոսելու տարբեր գույների գրիչների մասին, էլի պայքարում էինք նրանց դեմ, ովքեր խոչընդոտում էին նկարահանումներին, ընդ որում՝ տեղամասում գտնվելու իրավունք ունեցող նկարահանողներին և ԶԼՄ ներկայացուցիչներին: Էլի առիթ ունեինք խոսելու կուտակումների մասին, մարդկանց ազատ կամարտահայտման վրա բռնության մասին: Այժմ աստիճանաբար անցնում ենք հաշվարկի փուլ ու տեսնենք՝ այնտեղ ինչ է լինում: Ուստի ընդհանուր գնահատականը կտանք հաշվարկից հետո»:
Տաթև ՀԱՐՈՒԹՅՈՒՆՅԱՆ
