«Հետեւել եմ ընտրություններին, բայց դիտորդ չեմ եղել: Որեւէ անբնական եւ լուրջ խախտում չի գրանցվել՝ ակտիվությունը կար: Նախագահական ընտրությունների համեմատ հետեւողների թիվը այս անգամ շատ էր»,-այսօր «Մեդիա կենտրոնում» լրագրողների հետ հանդիպման ժամանակ նշեց «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը:
Նրա պնդմամբ, ընտրական լուրջ պայքար կար 2008թ.-ի եւ այս տարվա ընտրություններում, քանզի լուրջ տեղի համար արժեր պայքարել, երբ ԲՀԿ ղեկավարը դեկտեմբերին ասաց, որ չի դնելու իր թեկնածությունը նախագահական ընտրություններին, դա նույնպես պայքարի ձեւ էր.
«Քաղաքապետի պաշտոնը շատ կարեւոր է, կարծում եմ ընտրություններից հետո մասշտաբային ռեակցիաներ չեն լինի, կլինեն հիստերիկ եւ էմոցիոնալ ռեակցիաներ, որոնք որեւէ ուժեղ ազդեցություն չեն գործի: Ինչ կլինի հետո, դա ամենահետաքրքիրն է»:
Պրն. Իսկանդարյանի խոսքով քաղաքական ուժերի միջեւ համախմբվածություն պետք է լինի, դա հեշտ չէ, բայց հնարավոր է, փորձ պետք է արվի աշխատելու համար: Նա կարծում է, որ հանրապետականները ամենուր են, նրանք կհաղթեն ավագանու ընտրություններին, այլ տարբերակ չկա, իսկ նրանց արժանի մրցակից համարում է «Բարգավաճ Հայաստանին» եւ «Բարեւ Երեւանին»:
Կարդացեք նաև
Անժելա ՇԱՀՈՒՄՅԱՆ
