Քրեագետ Սերգեյ Գալոյանն ահազանգում է՝ Հայաստանը թալանվում է, արվեստի, մշակույթի գանձերը պարզապես գողանում են:
«Ազգային թալան է, ամեն մեկը մի պատճառաբանությամբ է թալանում: Առայժմ ճշտելու բաներ կան, շուտով անուններ կասեմ»,- այսօր «Ֆորում» ակումբում ասաց քրեագետ Սերգեյ Գալոյանը:
Նա ասաց, որ վերջերս Հայաստանից գողացվել է մոտ 22 միլիոն դոլար արժողությամբ գրքեր. «Ոչ մեկ դրա մասին չխոսեց, այստեղ բլեֆ գնաց, ոչ մեկ չիմացավ, թե ինչ հրատարակության գրքեր գողացվեցին»:
Քրեագետը խոսեց գողական աշխարհի զարգացումներից, տեղեկացրեց, որ սպանված օրենքով գող Ասլան Ուսոյանի` Դեդ Հասանի կողմնակիցները վերջին ժամանակներս սպանել են հարյուր քսանվեց մարդ. «Սպասում են նոր զարգացումներ, Դեդ Հասանի՝ նույն ինքը Ասլան Ուսոյանի թագի համար երկար պայքար է գնացել»:
Կարդացեք նաև
Պարոն Գալոյանի խոսքով, ամենայն հավանականությամբ, Դեդ Հասանի տեղը կզբաղեցնի Շակրո մոլոդոյը՝ հայտնի Քալաշովը: Քրեագետի տեղեկություններով, Շակրո մոլոդոյը արդեն 126 օրենքով գողերի համաձայնություն է ստացել:
Պարոն Գալոյանի տեղեկություններով, Հայաստանում օրենքով գողեր երբեք չեն եղել. «Գալիս, գնում են»: Նրա գնահատմամբ, մի կողմից լավ է, որ օրենքով գողեր Հայաստանում չկան, որովհետեւ .«դա նշանակում է՝ քրեածին իրավիճակ Հայաստանում չկա: Մանր-մունր հանցագործություններ են լինում: Վատ է նրանով, որ դա կստեղծվի քնկոտ մի դաշտ, եւ դուրս կգան, այսպես ասած, անարժան, դաժան, սարսափելի մարդիկ, ավանտյուրիստ իրենց բնավորությամբ»: Նա նաեւ հավելեց, որ Հայաստանից դուրս քառասունչորս օրենքով հայ գող կա. «Մի մասը բանտերում են, մի մասն էլ ազատության մեջ: Նրանցից մի քանիսը պարբերաբար Հայաստան են գալիս»:
Արփինե ՍԻՄՈՆՅԱՆ
