ԱՄՆ-ի Կենտրոնական հետախուզական վարչությունը (ԿՀՎ) հաստատել է, որ 1953թ. մասնակցել է Իրանի հեղաշրջմանը, որի ժամանակ տապալվել է վարչապետ Մոհամմեդ Մոսադեղի կառավարությունը: Գրում է «Հյուրիեթ» թերթը:
Տեղեկատվության ազատության օրենքի պահանջով Ազգային անվտանգության արխիվի կայքում ԿՀՎ-ն հրապարակել է «Ճակատամարտ Իրանի համար» ներքին օգտագործման փաստաթուղթը:
«Ռազմական հեղաշրջումը, որի արդյունքում տապալվեց Մոսադեղն ու նրա «Ազգային ճակատ» կառավարությունը իրականացվել է ԿՀՎ-ի ղեկավարությամբ, որպես ԱՄՆ արտաքին քաղաքականության քայլ», – գրված է զեկույցում, – «Իրանին Սովետական ագրեսիային առջև անպաշտպան թողնելու ռիսկը ԱՄՆ-ին ստիպեց… ծրագրել և իրականացնել TPAJAX-ը»:
TPAJAX-ը ԿՀՎ-ի հեղաշրջման ծրագրի ծածկանունն էր: Այն բաղկացած էր մի քանի քայլից`քարոզչության միջոցով թուլացնել Մոսադեղին, Շահին դրդել, որպեսզի համագործակցի իրենց հետ, խորհրդարանականներին կաշառել, համախմբել անվտանգության ուժերը և կազմակերպել հանրային ցույցեր: Առաջին փորձը ձախողվել էր, սակայն մեծ ճիգեր գործադրելուց հետո, հեղաշրջումն իրականացնող ուժերը համախմբվեցին ու արդյունքի հասան երկրորդ փորձից, օգոստոսի 19-ին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
