ԲՀԿ-ն ներկայացրել էր նվազագույն աշխատավարձը 2014 թ. հունվարի 1-ից 75 հազար դրամ սահմանելու, ինչպես նաեւ «Կանանց եւ տղամարդկանց հավասար իրավունքների ապահովման մասին» օրենքում փոփոխություններ կատարելու օրենքի նախագծերը։
Պետք է փոխվեր այն եզրույթը, ըստ որի՝ սեռը սոցիալական ձեռքբերովի վարք է։ Այս խմբագրական փոփոխությամբ հանդես է եկել նաեւ կառավարությունը եւ նախապատվություն է տվել իր ձեւակերպմանը։
Ինչ վերաբերում է աշխատավարձի բարձրացման առաջարկին, ապա մերժումը բացատրվեց նրանով, որ կառավարությունը մտադիր է հասնել դրան աստիճանաբար։ Իսկ կառավարության մտադրությունը գալիք տարվա կտրվածքով չի գերազանցում 50 հազար դրամը։
Ինչպես եւ սպասվում էր, Տիգրան Սարգսյանի մերժումը խոցեց ԲՀԿ-ի սիրտը։ «Արդյո՞ք իրատեսական էր աշխատավարձի իրենց առաջարկած չափը, գուցե ոչ իրատեսական հաշվարկների պատճառո՞վ մերժվեց» հարցին Նաիրա Զոհրաբյանը պատասխանեց. «Եթե կառավարությունը չի գնում որեւէ կոմպրոմիսի ու չի ասում՝ պատգամավորներ, եկեք միասին քննարկենք այս առաջարկը, ու ուղղակիորեն մերժում է, այստեղ քաղաքական մոտիվացիան ակնհայտ է։ Ես ձեզ երաշխավորում եմ՝ եկեք վաղը աշխատավարձն առաջարկենք 50 հազար դրամ, ինչ որ ասել է կառավարությունը, ես երաշխավորում եմ, որ մերժելու են»:
Կարդացեք նաև
Գայանե ՍԱՐԻԲԵԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
