Այսօր «Հայելի» ակումբում «Ազատ դեմոկրատներ» կուսակցության անդամ Անուշ Սեդրակյանը համոզմունք հայտնեց, որ Ուկրաինան եւ Վրաստանը ստորագրելու են ԵՄ Ասոցացման համաձայնագիրը եւ այդ ուղին են բռնելու. «400 ապրանքատեսակի վրա Վրաստանը ստացել է արդեն մաքսային արտոնություն: Դա այն կաշառքն է, որ ՌԴ-ն տվել է իրենց: Խոսում ենք Ռումինիայի, Հունաստանի, Բուլղարիայի ծանր վիճակի մասին: Մենք հասնում ենք ԵՄ հիմնական սկզբունքին՝ ով աշխատում է, նա ուտում է: Այն պետությունը, որը արդյունավետ տնօրինում է իր էկոնոմիկան, նա տնօրինում է առյուծի բաժին: Գիտե՞ք հունական սկանդալն ինչու պայթեց, որովհետեւ նստած էր ԵՄ-ի դոտացիայի վրա: Հետո պարզվեց, որ լիքը հույն պաշտոնյաներ ունեին իրենց հաշիվների վրա լիքը անաշխատ գումարներ: ԵՄ-ն պարտադրում է, որ ծպտյալ հաշիվները բացահայտվեն, տնտեսությունն արդյունավետ աշխատի: Իսկ ՌԴ-ն նման խնդիր չի դնում»:
ՀՀԿ պատգամավոր Արտակ Դավթյանի դիտարկմամբ՝ բոլոր հարցերը ածանցյալ են մեր անվտանգության հարցերին:
Անդրադառնալով էպոսագետ Վարդան Սեդրակյանի դատավարությանը՝ Անուշ Սեդրակյանը զգուշացավ գնահատական տալ՝ ասելով, որ իմ ազգանունն էլ է Սեդրակյան, կարող է հրահանգ կա բոլոր Սեդրակյաններին 14 տարով նստեցնելու. «Չեմ կարծում, որ հնարավոր էր այդքան խիստ պատիժ սահմանել՝ դրա տակ չունենալով հիմքեր»:
Կարդացեք նաև
Արտակ Դավթյանը հանգստացրեց Անուշ Սեդրակյանին, որ սեդրակյաններին բան չի պատահի. «Մհերն էլ է Սեդրակյան, ձեր մտավախությունները ես ցրում եմ, հանգիստ եղեք»:
Հռիփսիմե ՋԵԲԵՋՅԱՆ
Երևի ծնոտ պոկողը էս հհկ-ականի համար կարևորագույն սրբություն է, որով էլ հանգստացնում է Անուշ Սեդրակյանին: