Սեպտեմբերի 27-ին Վրաստանի Մառնեուլիի շրջանի Թեքալի գյուղում կայացած հասարակական լսումներից հետո Ադրբեջանի հայտնի քաղաքագետ Զարդուշտ Ալիզադեն մեզ հետ հարցազրույցում անդրադառնալով Հարավային Կովկասի իրավիճակին ասաց.
«Ես Հարավային Կովկասի իրավիճակը կհամեմատեի կրկեսի հետ: Կա կրկեսի ռուսաստանցի տնօրեն եւ վարժեցողներ՝ ադրբեջանցի, հայ եւ վրացի ղեկավարներ, որոնք վարժեցման մեթոդներ ունեն: Եթե նրանք դաստիարակեին, ապա մենք չէինք նեղվի: Նրանց մեթոդները վարժեցման եւ ոչ թե դաստիարակության են: Ժողովրդին դաստիարակում են մարդասիրություն, համբերություն, հանդուրժողականություն, աշխատասիրություն, ազնվություն, իսկ մեզ մոտ սերմանում են ատելություն, անհանդուրժողականություն, քահամահրանք: Ես կարծում եմ, որ մեր վարժեցնողները կրկեսի տնօրենի հստակ ղեկավարությամբ մեր հիանալի, հրաշալի տարածաշրջանը վերածում են գռեհկության, կրկեսի: Իսկ մենք ցանկանում ենք, որ մեր ժողովուրդները նորմալ ապրեն, նորմալ ապրումներով:
Իհարկե, Ռուսաստանը դեռ ղեկավարում է հարավային Կովկասում տեղի ունեցող իրադարձությունները, սակայն Ռուսաստանում պետք է լուրջ մտածեն իրենց դերակատարության փոփոխության մասին, որովհետեւ այդ դերը՝ հրձիգի, վերահսկողի, դրդողի դերը հանգեցրել է Խորհրդային Միության փլուզմանը: Այժմ այդ վտանգավոր գործընթացները մենք տեսնում ենք հենց Ռուսաստանի տարածքում, Հյուսիսային Կովկասում՝ բանդիտական ընդհատակ, տեռոր, համընդհանուր անկարգություն, վիթխարի կոռուպցիա»:
Կարդացեք նաև
Ոսկան ՍԱՐԳՍՅԱՆ
