ԱՄՆ կոնգրեսական Ֆրենկ Փալոնը հայկական գորգի պատմության հետ կապված նամակ է հղել նախագահ Բարաք Օբամային՝ կոչ անելով թույլ տալ հայ որբերի գործած և ԱՄՆ նախագահ Քելվին Քուլիջին նվիրած գորգի ցուցադրությունը: Հայտնում է «Ասպարեզ» թերթը:
«Շատ դժվար է բառերով արտահայտել, թե ինչ ցավալի է, որ պատմական և մշակութային այս գանձը, որն ԱՄՆ ժողովրդի անունից ընդունել է նախագահ Քուլիջը, կարող է պահվել փակ դռների հետևում, ինչ է թե` Թուրքիան ցանկանում է որոշ պատմական փաստեր դուրս պահել հանրային քննարկումներից», – Սպիտակ Տուն ուղարկած նամակում գրել է ԱՄՆ կոնգրեսի հայկական հարցերով համանախագահ Ֆրենկ Փալոնը:
Ավելի վաղ Սպիտակ Տան որոշման դեմ քննադատական հայտարարություններով էին հանդես եկել կոնգրեսականներ Ադամ Շիֆն ու Դեվիդ Վալադաոն:
«Ղազիր» գորգի շուրջ աղմուկը բարձրացել է այն բանից հետո, երբ «Վաշինգտոն փոստ» թերթը հոդված էր հրապարակել այն մասին, որ Սպիտակ Տունը մերժել է տրամադրել գորգը Սմիթսոնյան ցուցահանդեսի շրջանակներում Հակոբ Մարտին Դերանյանի «Նախագահ Քելվին Քուլիջը և հայ որբերի գորգը» գրքի շնորհանդեսին ցուցադրելու համար:
Կարդացեք նաև
Պատրաստեց Հովհաննես ԻՇԽԱՆՅԱՆԸ
