«Գուրգեն Եղիազարյանը թող գնա իրենց զրուցատաղավարում, իրենց բակում, ոնց ուզում է լինի, բեսեդկա կլինի, նման խոսակցություններ վարի»,-Aravot.am-ի հետ զրույցում արձագանքելով այսօր լրագրողների հետ հանդիպմանը ՍԴՀԿ նախկին անդամ, գրող, հրապարակախոս Գուրգեն Եղիազարյանի այն մտքին, թե «իշխանությունը տղամարդավարի չվարվեց» արտահայտությանն այսպես արձագանքեց ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը:
Հիշեցնենք, որ Գուրգեն Եղիազարյանը, խոսելով ՀՀ-ի `Մաքսային միության անդամակցության մասին որոշմանը և կողմ արտահայտվելով դրան, մասնավորապես, այսպիսի կարծիք էր հայտնել. «Նախագահը մի բան է ասում՝ իր նախարարը վեր է կենում մի ուրիշ բան ասում: Գոնե տղամարդ եղեք, գնացել, գնացել եք, տղամարդավարի ասեք, մեզ այդպես էր պետք, գնացինք: Հիմա վայնասուն են բարձրացնում, թե կարող է մեզ ծեծեին, դրա համար էլ գնացինք: Բա դուք ամոթ ունե՞ք: Հասկացանք լեգիտիմ չեք, գոնե այդտեղ Ձեզ տղամարդ պահեք»:
Ավելին, պարոն Զաքարյանը կարծում է, որ Գուրգեն Եղիազարյանի պնդումներն անհիմն են, իսկ իշխանության գործողությունները` հիմնավորված. «Լուրջ քաղաքական հիմնավորումներ իշխանությունը ցանկացած գործողության համար տվել է: Ես համարում եմ, որ դա բեսեդկայի զրույց է, թող գնա այնտեղ էլ Գուրգեն Եղիազարյանն անի: Իսկ լուրջ քաղաքական մեկնաբանությունները թող կարդա, որոնք արվել են իշխանության կողմից այն մասին, թե ինչու ենք մենք հայտարարել Մաքսային միություն մտնելու մասին: Եվ դա ճիշտ ճանապարհ է»:
Տաթև ՀԱՐՈՒԹՅՈՒՆՅԱՆ
Կարդացեք նաև
