Այսօր լրագրողները Գյումրի ժամանած ԲՀԿ առաջնորդից հետաքրքրվեցին, թե ո՞րն է այս սառնամանիքին իր այցի նպատակը, որը պարոն Ծառուկյանը պարզաբանեց հետևյալ կերպ. «Գյումրին այսօր համարվել է մշակութային մայրաքաղաք, և քանի որ մենք ծրագրեր ունեինք պարոն Բալասանյանի հետ, քանի որ ինքը նոր քաղաքապետ է, մենք`որպես ասենք իր թիմակից, իր կողքը կանգնած աջակցում ենք: Գիտեք, որ մեր առաջին քայլը հենց պարոն Բալասանյանը ընտրվեց քաղաքապետ, տրակտորներ, աղբահանության մեքենաներ նվիրելն է: Եվ հետագա ծրագրեր արեցինք` եկեղեցու բարեկարգման համար, որը դիմել էր մեզ, գումարները բարեգործական հիմնադրամից տրամադրել էինք: Այսօր եկել էինք տեսնելու մեր կատարած գործերը, եկեղեցի մտանք , արվել էր բարձր մակարդակով և իրենք իրենց շնորհակալությունը հայտնեցին, եկանք դպրոցը տեսնելու (խոսքը օլիմպական հերթափոխի պետական քոլեջի մասին, որը նույնպես վերանորոգվում է Ծառուկյանի անձնական միջոցներով-Ն.Ա.)»:
Նա շեշտեց, որ եկել է հանդիպելու գյումրեցի ժողովրդի հետ, ընդ որում եկել է ոչ թե դատարկ խոսքեր ասելու, այլ «Մեր խոսքը գործ է» կարգախոսի շրջանակներում: «Կարողանում ենք միշտ մեզնից փայաբաժին հանել, մեզ նեղություն տալ, կարողանանք օգտակար լինել, եթե Աստված հնարավորություն է տվել մարդուն, մարդը պետք է կարողանա լավ գործ կատարել իր երկրի, իր ժողովրի համար»,- ոգևորված ասաց ԲՀԿ առաջնորդը:
Երբ լրագրողները անցան քաղաքական թեմաների, հարցրեցին, թե ի՞նչ կասի Հայաստանի՝ Մաքսային միությանը անդամակցելու մասին, ԲՀԿ առաջնորդը ձեռքը թափ տվեց, հեռացավ՝ բացականչելով. «Աաաաաաաա, գնացի ցտեսություն, ցտեսություն, ցտեսություն…»:
Մանրամասները` տեսանյութում:
Կարդացեք նաև
Նունե ԱՐԵՎՇԱՏՅԱՆ