ՀՀ քրեական վերաքննիչ դատարանը, դատավոր Արարատ Պետրոսյանի նախագահությամբ դռնփակ նիստ էր հրավիրել, ուր քննության առնվեց Հայաստանի ցեղակրոն կուսակցության առաջնորդ, նոյեմբերի 5-ից անազատության մեջ գտնվող, իշխանության ներկայացուցչի դեմ բռնություն կիրառելու համար մեղադրվող Շանթ Հարությունյանի պաշտպան Ինեսա Պետրոսյանի բողոքը:
Ինեսա Պետրոսյանն ասաց, որ ներկայացվել են այն բոլոր հիմքերը, որով ինքը հիմնավորում է, որ Շանթ Հարությունյանի գործողություններում հանցակազմ չկա եւ որ իր պաշտպանյալը, որին մեղադրում են գետնին ընկած ոստիկանին հարվածելու համար՝ անհիմն է:
Քննչական խմբի ղեկավար Սամվել Տոնոյանը, ըստ պաշտպանի, ասել էր, թե քաղաքացիական հագուստով ոստիկանը ներկայացել է, ինչը, ըստ Ի. Պետրոսյանի, չէր կարող լինել, քանի որ ընկած վիճակում դա անհնար էր: Շանթ Հարությունյանի գործով այս պահին 13 հոգի են կալանավորված, նրանց թվում՝ նաեւ ՀՀ քրեական օրենսգրքի 316 հոդվածի հատկանիշներով, նրանք միջին ծանրության հանցանքներ են կատարել եւ սակայն բոլորին պահում են անազատության մեջ: նախաքննության մարմինը անգամ մերժել է այլընտրանքային խափանման միջոց կիրառելու պաշտպանական կողմի միջնորդությունները:
Ի դեպ, միայն մեկ ձերբակալված՝ Անուշավան Գրիգորյանն է, որ ճանաչվել է անմեղսունակ: Aravot.am-ի տեղեկություններով, նա նոյեմբերի 5-ին Ազատության հրապարակում հայտնվել էր նույն օր հոգեբուժարանից դուրս գալուց հետո:
Կարդացեք նաև
Մանրամասները ՝ տեսանյութում
Ռուզան ՄԻՆԱՍՅԱՆ
