«Մենք էլ էինք ծեծում, մենք էլ էինք ջարդում, ստորացնում: Բայց հիմա այլեւս չենք ծեծում, չենք ջարդում եւ չենք ստորացնում»,- Գյումրիում ՀՀ ոստիկանապետ Վլադիմիր Գասպարյանի այս հայտարարությունը «Բանակն իրականում» նախաձեռնության անդամ Ծովինար Նազարյանի համար ինքնախոստովանական ցուցմունք էր, որ առնվազն անցյալում իրենք ծեծում, խոշտանգում էին. «Սա հայտարարություն էր հանցագործության մասին, որը դատախազության կողմից պետք է ուշադրության վերցվի»:
Անդրադառնալով երեկ օպերայի բակում սեւազգեստ մայրերի նկատմամբ ոստիկանական գործողություններին` Ծովինար Նազարյանն ասաց, որ տեղի ունեցածը անհարգալից վերաբերմունք է ՀՀ քաղաքացիների նկատմամբ. «Այս հրմշտոցը, որ տեսաք, ուղղակի հրեշտակային պահվածք է այն խոշտանգումների համեմատ, որ տեղի է ունենում ե’ւ ոստիկանության ե’ւ ռազմական ոստիկանության բաժանմունքներում: Վովա Գասպարյանը, որպես ռազմական ոստիկանության նախկին ղեկավար, շատ լավ է տիրապետում խոշտանգումների արվեստին եւ դրա հմուտ կատարողն է»:
Նրա խոսքով, Վլադիմիր Գասպարյանի ասածները ուղղված էին իրենց միջազգային դոնորներին. «Ում կողմից լրացուցիչ նյութական բարիքներ են ստանում բացի պետբյուջեից, մեր հարկերից ստացված աշխատավարձերը: Չեմ քննարկում նրանց մասնավոր բիզնես-նախագծերը»:
Կարդացեք նաև
![««Նախկին» անարդար համակարգին հաջորդող «աննախադեպ» համակարգը մնաց նույնքան անարդար. ԶՈՒ Լեյտենանտ Արտակ Նազարյանի մահվան [չ]բացահայտումը՝ 14 տարի անց»](https://www.aravot.am/wp-content/uploads/2024/01/Artak-Nazaryan-437x275.jpg "««Նախկին» անարդար համակարգին հաջորդող «աննախադեպ» համակարգը մնաց նույնքան անարդար. ԶՈՒ Լեյտենանտ Արտակ Նազարյանի մահվան [չ]բացահայտումը՝ 14 տարի անց»")
Ծովինար Նազարյանը նաեւ համոզված է, որ մեծ ցույցերի ժամանակ հրաման լինելու դեպքում ոստիկանությունը ամեն ինչի պատրաստ է. «Եթե նրանց կարգադրվի նույնիսկ սպանել ցուցարարին, նրանք դա կանեն: 2008-ի մարտի 1-ին դա տեսել ենք, այնպես որ մերոնք ոչ մի կաթիլով լավը չեն քան «Բերկուտը»:
Մանրամասները՝ տեսանյութում
Արփինե ՍԻՄՈՆՅԱՆ
