ՀԿԿ կենտկոմի առաջին քարտուղար Տաճատ Սարգսյանը այսօր լրագրողների հետ հանդիպման ժամանակ սկզբում շնորհավորեց նորընտիր վարչապետ Հովիկ Աբրահամյանին եւ ասաց, որ անկախության ձեռքբերումից հետո Հայաստանի վարչապետները չեն կարողացել ղեկավարել Հայաստանի տնտեսությունը:
Պրն Սարգսյանի պնդմամբ՝ Հայաստանում համար առաջին խնդիրը կադրերի ռեզերվ չունենալն է. « Մեր վարչապետների անցած ուղուց դատելով , կարող ենք ասել, որ նրանցից ոչ ոք չի կարողացել ղեկավարել մեր տնտեսությունը եւ վերականգնել այն: Եթե չեն կարողանում ղեկավարել երկրի տնտեսությունը, ինչպես կարող են ղեկավարել ողջ հանրապետությունը»,- նշեց պրն Սարգսյանը:
Տաճատ Սարգսյանը բողոքեց, որ Հայաստանի տնտեսության մեծ մասը վաճառված է. «Ամեն ինչ վաճառել ենք ռուսներին՝ երկաթուղին, էլեկտրաէներգիան, ջուրը, գազը: Կարծես թե իշխանությունները վարձել են մեր հանրապետությունը եւ ապրում են այստեղ»:
Անդրադառնալով Հայաստանի սոցիալ-տնտեսական իրավիճակին պրն Սարգսյանը, որ այն անկում է ապրում. «Արտագաղթը հասել է 40 տոկոսի, աղքատությունը՝ 20 տոկոսի, չկան նոր արտադրական տեղեր, աշխատատեղեր, արդյունաբերական ձեռնարկություններ»:
Կարդացեք նաև
Տաճատ Սարգսյանը հայտարարեց, որ ողջունում է իշխանությունների՝ Մաքսային Միությանն անդամակցելու քայլը. «Ես զարմանում եմ այն քաղաքական գործիչների վրա, որոնք փորձում են երիտասարդներին շեղել եւ հայտարարում են , որ անդամակցությունը անկախության կորուստ է»: Պրն Սարգսյանը հույս հայտնեց, որ ՄՄ անդամակցելուց հետո Հայաստանի անվտանգության խնդիրները կլուծվեն, կլուծվի նաեւ Լեռնային Ղարաբաղի սահմանները պաշտպանելու խնդիրը: «Մենք հնարավորություն կունենանք վերականգնել նախկին սովետական միության երկրների հետ տնտեսական կապերը: Միայն այս կերպ կզարգանա Հայաստանի տնտեսությունը եւ արտաքին առեւտուրը կաճի »:
Էլյա ՀՈՎՀԱՆՆԻՍՅԱՆ
Այո գիտակցող մարդիկ իրոք այսպես են դատում ինչպես ԿՈՄԿՈՒՍԻ առաջին քարտուղար մեծհարգո Տաճատ Սարգսյանը կարող եմ ավելացնել եթե ցանկանան հարցախույզ անցկացնել ապա Հայաստանի մոտ 80 տոկոսը և եթե ոչ ավելին կողմ կքվեարկեն Եվրասիական միությանը իսկ ինչու հարցին շատ համառոտ և իմաստալից պատասխանել է հարգալից ընկերը.