Մեծ յոթնյակի երկրների ղեկավարները հունիսի 4-ին Բրյուսելում կայացած հանդիպման արդյունքում Մոսկվայից պահանջել են 4 պայման կատարել, հակառակ դեպքում Ռուսաստանի նկատմամբ նոր պատժամիջոցներ կսահմանվեն, գրում է «Դոյչե Վելլե»-ն՝ հղում անելով «Դոյչե» լրատվական գործակալությանը:
Այդ պայմաններն են՝ ճանաչել մայիսի 25-ի Ուկրաինայի նախագահի ընտրությունները և համագործակցել նորընտիր նախագահ Պյոտր Պորոշենկոյի հետ, դադարեցնել Ուկրաինայի հարավ-արևելյան շրջանների անջատականների զինումը, ամբողջությամբ հեռացնել ռուսական զորքը Ուկրաինայի սահմանի մոտից և ապահովել գազի մատակարարումը:
Կիևին Մեծ յոթնյակը կոչ է արել արագացնել սահմանադրական բարեփոխումների գործընթացը և խստագույնս հարգել բոլոր շրջանների քաղաքացիների իրավունքը, առաջին հերթին՝ կառուցողական երկխոսություն սկսել արևելյան շրջանների ռուսալեզու բնակչության հետ:
Պատրաստեց Հովհաննես ԻՇԽԱՆՅԱՆԸ
