Երեկ Մինսկում տեղի է ունեցել ԱՊՀ երկրների անվտանգության ծառայությունների ղեկավարների համաժողովը, որից հետո Ռուսաստանի անվտանգության դաշնային ծառայության (ФСБ) տնօրեն Ալեքսանդր Բորտնիկովը լրագրողների հետ զրույցում հանդես է եկել խիստ ուշագրավ հայտարարությամբ։
«Մենք հաշվի ենք առնում այն, որ ԱՊՀ երկրներում կարող են լինել իշխանությունը տապալելու որոշակի նպատակներ հետապնդող ուժեր։ Մենք օպերատիվ տվյալներ ենք փոխանակում»,- ասել է Բորտնիկովը։
Նրա պնդմամբ, «կան փաստեր առ այն, որ ԱՊՀ տարածքում քայքայիչ գործունեությունը ֆինանսավորում են արտասահմանյան կառույցները»։
«Մեր ջանքերն ուղղված են մեկ հիմնական նպատակի` ապահովել, որ որոշակի ուժերի օրինական ընդդիմադիր գործունեությունը ոչ մի դեպքում չվերաճի քայքայիչ գործողության»,- ընդգծել է Բորտնիկովը։
Կարդացեք նաև
Նրա փոխանցմամբ, Ռուսաստանի անվտանգության դաշնային ծառայությունը «կոշտ միջոցներով կարձագանքի ԱՊՀ երկրներում իշխանությունը զավթելու փորձերին»։
«ԱՊՀ տարածքում իրավիճակի ապակայունացմանն ուղղված քայքայիչ ուժերի գործողություններն անընդունելի են, մենք կգործենք օրենքի սահմաններում և կոշտ, մենք թույլ չենք տա քայքայիչ ուժերին ազդել մեր երկրների իրավիճակի վրա»,- ընդգծել է Բորտնիկովը։
Մանրամասները կարող եք կարդալ`«Ազատություն» ռ/կ-ի կայքում