Չմտածվածության հետևանքով Երևանը վերածվել է գերեզմանատան:«Առաջին լրատվական»-ի հետ զրույցում այս մասին ասաց Հայաստանի ազգային արխիվի տնօրեն Ամատունի Վիրաբյանը՝ անդրադառնալով Հայաստանում Կալաշնիկովի, Միկոյանի, Մարշալ Բաբաջանյանի արձանների տեղադրման շուրջ ալիքին և ընդհանրապես նման վիճահարույց պատմական անցյալ ունեցող կերպարների արձանների տեղադրման նպատակահարմարությանը:
Հարցին, թե ինչո՞վ կարելի է բացատրել նման հերոսների արձանների տեղադրման տենդը, Հայաստանի ազգային արխիվի տնօրենը պատասխանեց, թե քանի որ, հայի խելքով, մենք ամեն ինչում շատ ենք առաջ ընկնում, առաջ ընկանք շատ հարցերում՝ Քրիստոնեություն ընդունեցինք, դրա համար բազմաթիվ խնդիրներում վնասներ կրեցինք: Ըստ նրա՝ այսօր էլ առաջ ենք ընկնում, որովհետև քայլը կատարելուց հետո ենք սկսում մտածել, հետևանքների մասին չենք մտածում քայլը կատարելուց առաջ, քայլը կատարում ենք, ոտքներս գցում ենք անդունդի վրա, նոր մտածում ենք, որ անդունդի վրա ենք:
«Ոչ մի կարիք չկար Միկոյանի արձան Երևանում տեղադրելու, Կալաշնիկովի արձան կարիք չկար. զենք ստեղծողին ի՞նչ արձան. ինչքան էլ այն լավ լինի, նա մարդ սպանելու համար նախատեսված զենք է ստեղծել, արձան չպետք է դրվի: Չեն մտածում, որ ինչքան էլ հանճարեղ մարդ լինի, նա զենք է ստեղծում, որով մարդ են սպանում, այսօր էլ շարունակում են սպանել նույն զենքով Իրաքում: Այդպիսի որոշում կկայացնե՞ն, ատոմային զենք ստեղծողի արձանը որևիցե տեղ տեսե՞լ եք:
Արաքս Մարտիրոսյան
Կարդացեք նաև
Նյութի մանրամասները կարդացեք սկզբնաղբյուր կայքում
