Անցած շաբաթ հրապարակեցինք տեղեկություն այն մասին, որ «Քարֆուր» եւ «Երեւան Սիթի» ցանցերի միջեւ ամիսներ տեւած բանակցությունները ավարտվել են, եւ կողմերը եկել են համաձայնության։ Ըստ այդ համաձայնությունների, ներկայում Երեւանում գործող բոլոր 12 «Երեւան Սիթի» սուպերմարկետների տարածքը շուտով կանցնի ֆրանսիական «Քարֆուրին»։
Չնայած տեղեկատվությունը լայնորեն քննարկվեց լրատվամիջոցներում եւ սոցցանցերում, սակայն ո՛չ «Երեւան Սիթիի» եւ ո՛չ էլ «Քարֆուրի» ներկայացուցիչները, չնայած նրանց հետ կապվելու բոլոր փորձերին, այդպես էլ պաշտոնապես չարձագանքեցին՝ ոչ հերքեցին, ո՛չ հաստատեցին, ո՛չ մեկնաբանեցին, ոչ էլ մանրամասնեցին։ Երեկ, սակայն, լրատվական մի քանի կայքեր տեղադրեցին կիսագովազդային մի հաղորդագրություն՝ առանց նշելու դրա աղբյուրը։ «Մոսկվիչկա» սուպերմարկետների ցանցը, պահպանելով իր հիմնական սուպերմարկետների կորիզը, փակում է Կոմիտաս 1 հասցեում գտնվող սուպերմարկետը։ Ցանցը մոտ ապագայում իր հաճախորդներին կառաջարկի նոր ոճի արտադրական սուպերմարկետ։ Վերանայելով կազմակերպության ռազմավարությունը եւ հաշվի առնելով մանրածախ շուկայում սպասվելիք փոփոխությունները՝ ընկերությունը սրանով նպատակ է հետապնդում առողջացնել իր բիզնեսի զարգացման ընթացքը՝ կարեւորելով ե՛ւ գործընկերներին, ե՛ւ հաճախորդներին, ե՛ւ շուկայում զբաղեցրած իր դիրքը»,- ասված է հաղորդագրությունում, եւ ակնհայտ է, որ այն տարածել է հենց «Մոսկվիչկան»։ Հաղորդագրության «մեխը», իհարկե, հետեւյալ արտահայտությունն է. «հաշվի առնելով մանրածախ շուկայում սպասվելիք փոփոխությունները»։ Հասկանալի է, որ մանրածախ շուկայում միակ փոփոխությունը, որ սպասվում է, իհարկե, «Քարֆուրի» մուտքն է: Եւ այս հաղորդագրությունից պարզ է դառնում, որ մեր գործարարները արդեն պատրաստվում են այդ իրադարձությանը։
Իսկ իրադարձությունը, մեղմ ասած, նշանակալի է: «Քարֆուրի» այսպիսի մուտքը հայկական շուկա, առանց չափազանցնելու, արմատական փոփոխություններ է բերելու։ Ընդ որում, փոփոխությունները կլինեն եւ՛ դրական, ե՛ւ բացասական:
Հայկ ԳԵՎՈՐԳՅԱՆ
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
