«Human Rights Watch» միջազգային իրավապաշտպան կազմակերպությունը Ադրբեջանի հարցով իր նոր զեկույցում նշել է, որ այդ երկրում աճել են իշխանություններին քննադատողների դեմ ճնշումները, հատկապես այն ժամանակ, երբ Ադրբեջանը ստանձնել է Եվրախորհրդի նախագահությունը:
«Ադրբեջանի կառավարությունը շարունակում է բռնի քաղաքականություն իրականացնել իրավապաշտպանների և իշխանություններին այլ քննադատողների նկատմամբ ու դրանով անարգում է Եվրախորհրդի առջև իր ստանձնած պարտավորությունները» , – ասել է կազմակերպության Հարավային Կովկասի երկրների ներկայացուցիչ Գիորգի Գոգիան:
Զեկույցում ասվում է, որ վերջին երկու տարիների ընթացքում տարբեր մեղադրանքներով Ադրբեջանում մոտ 50 ակտիվիստներ, ընդդիմադիր գործիչներ, բլոգերներ և իրավապաշտպաններ են ձերբակալվել:
Գոգիան ԵԽ-ին կոչ է արել դատապարտել Բաքվի պահվածքը` «հնարավոր ամենախիստ գործողությամբ»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
