Սեպտեմբերի 26-ից՝ Կոմիտասի ծննդյան օրը Երեւանում մեկնարկել է «Կոմիտասյան օրեր» փառատոնը: Այն փակվել է երեկ՝ դարձյալ Կոմիտասի ծննդյան օրը, բայց՝ հին տոմարով: Փառատոնի շրջանակներում ներկայացվել է Կոմիտասի ժառանգությունը՝ բոլոր շերտերով: Կոմիտասյան օրերը եզրափակվել են Պատարագով, որը կատարել է տղամարդկանց երգչախումբը:
Փառատոնի գեղարվեստական ղեկավարն է կոմիտասագետ Մհեր Նավոյանը, գործադիր տնօրենը՝ Կամերային երգչախմբի տնօրեն Արմեն Արաբյանը:
Aravot.am-ի հետ զրույցում, պարոն Արաբյանը նշեց, որ «Կոմիտասյան օրերը» փառատոնը հավակնում է դառնալ ամենամյա: Ունկնդիրներից հրաշալի տպավորություն են ստացել, կազմակերպիչների համոզմամբ, բարեբախտաբար Կոմիտասը պահանջված է:
Aravot.am-ի հարցին՝ արդյո՞ք այսօր բավականաչափ քարոզվում է Կոմիտաս, Արմեն Արաբյանը դրական է պատասխանում, նաեւ փաստում, որ բոլոր դասական խմբերը Կոմիտաս են հնչեցնում՝ բնագրին հարազատ, ճիշտ այնպես, ինքը ստեղծագործել եւ թղթին է հանձնել՝ առանց աղավաղումների:
Կարդացեք նաև
Գոհար ՀԱԿՈԲՅԱՆ
