Ուկրաինայի մայրաքաղաք Կիեւում այս օրերին խաղաղ է, բայց հեռուստատեսությամբ հաճախ են երկրում կատարված եւ կատարվող իրադարձությունների մասին թոք-շոուներ կազմակերպվում Եվրամայդանի զոհված ակտիվիստների մայրերի, քաղաքական կուսակցությունների ներկայացուցիչների հետ: Կիևի Մայդան Նեզալեժնոստին` Անկախության հրապարակը այսօր էլ շարունակում է գործել , ուղղակի այլ «ձեւաչափով», այդտեղ ու հարակից տարածքում զբոսնում կամ լուսանկարվում են երիտասարդ զույգեր, երեխաներ՝ ծնողների հետ:
Ամենուր հուշաքարեր են տեղադրված, որոնք հիշեցնում են ոստիկանների հետ ընդհարման հետեւանքով զոհվածների մասին, ամենուր կարող ես կարդալ «Փառք Ուկրաինային», «Փառք հերոսներին»: Մի առանձին անկյուն էլ հատկացված է մեր հայրենակից, Եվրամայդանի ակտիվ մասնակից Սերգեյ Նիգոյանին, որը զոհվեց հայտնի իրադարձությունների ժամանակ:
Կարդացեք նաև
Կիեւում հուշանվերներն անգամ քաղաքական բնույթ ունեն, կան նաեւ ՌԴ նախագահ Պուտինի հասցեին հայհոյանք պարունակող հուշանվերներ, երբեմն ավտոմեքենաների համարանիշներն են «քաղաքականացված», դրանցում ծաղրական հակառուսական արտահայտություններ կան:
Մայդանի թեմայով ցուցահանդեսներն ամենուր են, Միխայլովյան տաճարի բակում նույնպես: Եկեղեցին եւս ժողովրդի տրամադրությունների կրողն է:
Գոհար ՀԱԿՈԲՅԱՆ,
Կիեւ
