«Առավոտցի» Արմինե Ուդումյանը «Առավոտի» 20-ամյակին նվիրված «Առավոտցիներ» շարքի այս շաբաթվա մեր զրուցակիցն է: Հիշում է օրաթերթում հրապարակված իր մի լրագրողական աշխատանքի պատմություն: «Հրապարակումը լուսահոգի, հարգարժան նախկին վարչապետ Անդրանիկ Մարգարյանի շրջապատից մի գործարար տիկնոջ բիզնես վարքագծի մասին էր: Նա անթույլատրելի գործողություններ էր թույլ տալիս, օգտագործելով իր կապերի մասին համբավը: Նախ մինչև հրապարակումը փորձ արեցին ճնշում գործադրել` չհրապարակելու համար (տեղյակ էին, որ նման փաստեր ունեմ, քանի որ արդեն դիմել էի պարզաբանումների և հակափաստարկների համար): Ունենալով մեր խմբագրի անվերապահ վստահությունը, ես աշխարհի ամենաինքնավստահ մարդն էի ինձ զգում, ճնշումներն ինձ վրա ուղղակի անհնար բան էին: Հետո փորձեցին խնդրանքով, հետո կաշառելու փորձերով, հետո խմբագրին էին խնդրում, բայց մենք անդրդվելի մնացինք և հոդվածն ամբողջ թերթի հետ միասին տպարան գնաց, տպարան գնաց, բայց այդպես էլ դուրս չեկավ»:
Ամբողջական հրապարակումը կարող եք կարդալ վաղվա տպագիր «Առավոտում»:
Հռիփսիմե ՀՈՎՀԱՆՆԻՍՅԱՆ
