Բեռնատարի այս թափքը՝ բետոնային շաղախով լեցուն, դեռ անցյալ դարից սկսած՝ հարեւանություն է անում մեր երկրում գործող մի շարք դեսպանատների հետ: Բացի այն, որ Երեւանի Բարբյուսի փողոցում գտնվող բեռնատարի ժանգոտած այս թափքը աղավաղում է փողոցի տեսքը, երկար տարիներ գրավելով փողոցի լայնքի գրեթե մեկ երրորդը, բնականաբար, խանգարում է տրանսպորտային երթեւեկությանը:
Շինարարական մտքի այս մեծ «նվաճումը», հավանաբար, դիտարկվում է որպես մոդեռնիստական արվեստի գլուխգործոց, որովհետեւ ո՛չ վարչական շրջանի եւ ո՛չ էլ քաղաքի իշխանությունները չեն համարձակվում այն վերացնել:
«Առավոտ» օրաթերթ
25.10.2014
