Իրանը կարող է Ադրբեջանի և Թուրքմենստանի գազն արտահանել Եվրոպա, հայտնել է Իրանի ազգային գազի ընկերության արտաքին կապերի հարցերով տնօրեն Ազիզոլահ Ռամազանին, փոխանցում է «Ռոսբալտ»-ը՝ հղում անելով «Իրնա»-ին:
«Մեր առաջարկն է՝ Իրանում ստանալ ադրբեջանական և թուրքմենական գազը, այնուհետև փոխանցել այն Եվրոպային՝ Թուրքիայի միջոցով, քանի որ այդ ուղին դեպի Եվրոպա գազ փոխանցելու համար ամենատնտեսող տարբերակն է», – ասել է Ռամազանին՝ նշելով, որ տվյալ ծրագրի համար համապատասխան ենթակառուցվածքները կսկսեն ստեղծել, երբ հարթվեն քաղաքական խոչընդոտները:
Պատրաստեց Հովհաննես ԻՇԽԱՆՅԱՆԸ
