Gallup կենտրոնի անցկացրած նոր հետազոտության համաձայն` Ռուսաստանը առաջինն է Ամերիկայի Միացյալ Նահանգների հանրության կողմից որպես թիվ մեկ թշնամի ընկալվող երկրների ցուցակում։
Հետաքրքիր է, որ 2011-ին Ռուսաստանը թշնամի է համարել ամերիկացիների 3 տոկոսը, 2012-ին` 2 տոկոսը, արդեն սակայն 2014-ին այդ թիվը հասել է 9 տոկոսի։ Եվ ահա 2015-ին տվյալները կրկնապատկվել են` ամերիկացիների 18 տոկոսն է Ռուսաստանը թշնամի համարում։
Այդ «կարգավիճակում» Ռուսաստանն «առաջ է անցել» նույնիսկ Հյուսիսային Կորեայից, որը թիվ մեկ թշնամի է համարում ամերիկացիների 15 տոկոսը։ Երրորդ տեղում 12 տոկոսով այս տարի Չինաստանն է։ Ապա ցուցակում են Իրանը և Իրաքը։ Վեցերորդ տեղում որպես առանձին խումբ են նշվում երկրները, որտեղ գործում են «Իսլամական պետություն» խմբավորման ջոկատները։ 7-րդը իբրև առանձին խումբ Մերձավոր Արևելքն է, ապա՝ Սիրիան, Աֆղանստանը։
Ուշագրավ հանգամանք՝ Միացյալ Նահանգների թշնամիների թվում 10-րդը, ըստ Gallup-ի հարցումների, հենց Ամերիկան է՝ իրենց երկիրը թշնամի են համարում ամերիկացիների 2 տոկոսը։
Կարդացեք նաև
Արմեն Քոլոյան
Նյութի մանրամասները կարդացեք «Ազատություն» ռադիոկայանի կայքում
