Հովհաննես Թումանյանի ծննդյան, ինչպես նաեւ գիրք նվիրելու օրվան նվիրված այսօր ՀՅԴ «Արամ Մանուկյան» երիտասարդական կենտրոնում Հայ Հեղափոխական Դաշնակցության մամուլի, կրթական, գաղափարական խնդիրների մասին խոսեց ՀՅԴ մամլո դիվանի պատասխանատու Արտաշես Շահբազյանը:
Նրա զեկույցը հաջորդեց մինչ այդ կազմակերպված գրքերի ցուցադրմանը:Ցուցադրմանը զուգահեռ մարդիկ գրքեր էին նվիրում կենտրոնին, որոնք հետագայում կնվիրվեն սահմանամերձ գյուղերին:
Նա ասաց, որ այսօր այդքան թերթեր չկան, որքան դաշնակցությունը տպագրել է անցյալ դարասկզբին Թիֆլիսում, Բաքվում, Պոլսում.«քարոզչության դերակատարումը բավական մեծ եղավ:Ամենալավ պատմագրությունից ավելի լավ էր»:
Կարդացեք նաև
Ա.Շահբազյանը ներկայացրեց արտերկրում տպագրված դաշնակցական մամուլի պատմությունը: Նա պատահական չհամարեց ապրիլի 24-ին մեր մտավորականության դեմ իրականացրած ցեղասպանությունը,մտավորականություն, որոնց մեջ կային դաշնակցականներ.«Այս մտավորականները կարող էին կազմակերպել մեր ժողովրդին:Նրանք ապրում էին ժողովրդի կյանքով: Զուգահեռաբար, գրքեր են գրվել:Արամ Մանուկյանը նաեւ հուշեր էր գրում: Ռուբենի հուշերը, որոնց մեծ մասը կորավ, այրվեցին, երբ իրենք Սասունի լեռներում էին, շրջապատման մեջ: Մալխասը,Կարո Սասունին, որոնք տեսաբաններ, պատմագիրներ են դառել»:
Ըստ Ա.Շահբազյանի, այս մեր գրականությունը կարող է մեծ դեր ունենալ քաղաքական պատմության համար, կենցաղագրական, պատմագրական արժեք ունեն:
«Գրքեր պետք է լինեն մարդկանց սեղանի գիրքը՝ Ռուբենը, Քրիսատֆոր Միքայելյանը.հարցադրումներն այնպես են դրված, որոնք բարձրացնում են հարցեր, որոնք այսօրվա քաղաքական գործիչների համար են»,-ասաց բանախոսը:
«Ազատամարտ» թերթի նախկին աշխատակից Ա.Շահբազյանը ասաց, որ Ռուբենի հատորների, Քրիստաֆորի աշխատանքների կողքին տվել են իրենց կարդալու Քաջազնունու «Դաշնակցությունը անելիք չունի» գիրքը. «Դաշնակցականը գաղափարական մարտիկն է:Այն ինչ տեսնում ենք, գաղափարական չի:Մենք մեծ մասնակցություն ունեցանք Արցախյան պատերազմում, եւ թալանչի չդառնանք:Որովհետեւ դաշնակցականը գնում էի կռիվ թեւերի տակ գրքերը դրած:Գիշերը հերթապահություն էր, գալիս էին գրքերով»:
Ա.Շահբազյանն անդրադարձավ անկախության տարիներին լույս տեսնող «Ազատամարտ», «Երկիր» թերթերին, «Միքայել Վարանդյան» տպարանին, իրենց մամուլի գրասենյակների գործունեությանը.«Մենք ընդդիմություն էինք, պայքարը դարձավ քաղաքական եւ գաղափարական պայքար: Երբ կասեցվեց կուսակցությունը, կասեցվեցին նաեւ մեր լրատվամիջոցները, թվով տասներեք»:
Մասնավորապես, դրանց մեջ նշվեցին նաեւ «Նորք» ամսագրի մասին, որի խմբագիրն էր դաշնակցական Ռուբեն Հովսեփյանը, Ալվարդ Պետրոսյանի «Առագաստ» թերթը:
«Մենք մտքի հեղաշրջում արեցինք:Դաշնակցական մամուլը դրա մասնակիցն էր»,-ասաց Ա.Շահբազյանը:
Խոսքը 1994 թվականի դեկտեմբերի 28-ի մասին էր:
Ըստ բանախոսի, եթե երիտասարդությունն ուզում է իրեն դաշնակցությունում ամուր զգալ, պետք է շատ կարդա.«Այսօր շատ բաներ են գրվում,սակայն հարցականները մնում են»:
Տաբուների մեջ բանախոսը նշեց.այլասերվածության քարոզչությունը, որին եղել եւ դեմ է դաշնակցությունը:
Ռուզան ՄԻՆԱՍՅԱՆ
